သူများတကာတွေ အမေလို့ အော်ဟစ်မြည်တမ်းနေချိန်မှာ
ငါ့အတွက် ခေါ်စရာ အမေဆိုတာ
လောကထဲမှာ မရှိတော့ဘူး
ငါငယ်စဉ်
လူမှန်းမသိတတ်စ အရွယ်ကတည်းက
အမေက ငါ့ကမ္ဘာထဲကနေ
အပြီးအပိုင် နှုတ်ဆက်ထွက်ခွာသွားတယ်
သူများတွေ အမေလို့ ခေါ်နေတာကိုမြင်ရင်
ငါလည်း မရှိတော့တဲ့အမေကို တမ်းတပြီး
အမေလို့ လိုက်ခေါ်နေမိတယ်
သူများတွေ အမေတွေနဲ့ ပျော်နေတာကိုမြင်ရင်
အမေ့ကို မှန်းဆရင်း
မျက်ရည်တွေကျနေမိတယ်
အမေ့ကို လွမ်းတယ်
အမေ့ကို သတိရတယ်
ခုအချိန်မှာ ငါ့ရဲ့ အလိုချင်ဆုံးအရာဟာ
ရွှေ မဟုတ်ဘူး
ငွေ မဟုတ်ဘူး
တိုက် မဟုတ်ဘူး
ကား မဟုတ်ဘူး
ဘယ်တော့မှ အစားထိုးပြီး ပြန်မရနိုင်တော့တဲ့
အမေပါပဲ
ကိုပေါက်ခေါင်း
No comments:
Post a Comment