နှစ်သစ်ကူး

အချိန်ကာလသည် တဖြည်းဖြည်း ရွေ့လျားနေ၏။ အခုဆိုလျှင် ၂၀၁၆ ခုနှစ်ကနေ ၂၀၁၇ ခုနှစ်သို့ ရောက်ရှိလာခဲ့ပေပြီ။

ခုနှစ်တစ်ခုမှ တစ်ခုသို့ ပြောင်းလဲသောအချိန်ကာလကို နှစ်သစ်ကူးကာလဟု လူတို့သတ်မှတ်ခေါ်ဝေါ်ကြ၏။ ထိုနှစ်သစ်ကူးကာလသည် လူမျိုးတိုင်း၊ ဘာသာတိုင်း၊ တိုင်းပြည်တိုင်းတွင် ရှိတတ်ကြ၏။ လူမျိုး၊ဘာသာ နေရာဒေသများ ကွဲပြားသကဲ့သို့ နှစ်သစ်ကူးကာလကို ကြိုဆိုကြပုံခြင်းလည်း ခြားနားကြပေသည်။

ယခု ၂၀၁၆ မှ ၂၀၁၇ သို့ ပြောင်းလဲသော နှစ်ကူးကာလသည် ခရစ်နှစ်၏ ပြောင်းလဲခြင်း ဖြစ်၏။ ခရစ်နှစ်ဆိုသည်မှာ ခရစ်ယာန်ဘာသာဝင်တို့၏ ကိုးကွယ်အားထားရာ ယေရှုခရစ်တော် သေဆုံးပြီးနောက် စတင်ရေတွက်သောနှစ်ကို ဆိုလိုသည်။ ထို့ကြောင့် ခရစ်နှစ်ဟု ခေါ်ခြင်းဖြစ်၏။

ခရစ်နှစ်ကူးပြောင်းသောအခါ ပြုလုပ်သောပွဲသည် ခရစ်ယာန်ဘာသာဝင်တို့၏ ရိုးရာပွဲတော်တစ်ခု ဖြစ်၏။

ရှေးအခါ ဆက်သွယ်ရေး ခက်ခဲသောအချိန်တွင် နှစ်သစ်ကူးပွဲတော်များကို ကိုယ့်ယဉ်ကျေးမှု ကိုယ့်ဘာသာလူမျိုးအလိုက်သာ သီးခြားစီ ဆင်နွှဲခဲ့ကြသည်။

ယခုခေတ် အချင်းချင်းကူးလူးဆက်သွယ်မှု မြန်ဆန်လာသောအချိန်တွင် လူမျိုး၊ဘာသာ ယဉ်းကျေးမှုများလည်း ရောနှောလာခဲ့ကြသည်။

အထူးသဖြင့် အားကောင်းသော ဘာသာ၊လူမျိုး ယဉ်ကျေးမှုတို့က အားနည်းသော ဘာသာ၊လူမျိုး ယဉ်ကျေးမှုများကို ဝါးမြိုလာခဲ့ကြသည်။

ကျွန်ုပ်တို့ မြန်မာလူမျိုးများသည် အပျော်အပါးကို အလွန်မက်မောကြ၏။ သူများကလျှင် လိုက်ကချင်၏။ သူများဆိုလျှင် လိုက်ဆိုချင်၏။ သူများစားလျှင်လည်း လိုက်စားချင်ကြ၏။ သို့သော် သူများလုပ်သလိုကား လိုက်မလုပ်ချင်တတ်ကြ။

စင်စစ် ခရစ်နှစ်ကူးပြောင်းခြင်းနှင့် ကျွန်ုပ်တို့ ဗုဒ္ဓဘာသာမြန်မာလူမျိုးတို့နှင့်ကား လားလားမျှမဆိုင်ဟု ဆိုရပေမည်။ သို့သော် ခေတ်ရေစီးကြောင်းပြောင်းလဲခြင်းအရ လိုက်လံပြောင်းလဲခဲ့ရသည်ကိုတော့ လက်ခံရပေမည်။

ကျွန်ုပ်တို့ မြန်မာလူမျိုးများသည် မိမိတို့ဘာသာအလိုက် ဆယ်နှစ်ရာသီပွဲတော်များရှိရာတွင် ဆယ့်နှစ်ရာသီလုံး ပျော်ရွှင်ကြ၏။ တခြားဘာသာအလိုအရ ပွဲတော်များရှိလျှင်လည်း ဝင်ပြီးနွှဲလိုက်ကြသေး၏။

ကျွန်ုပ်တို့ မြန်မာလူမျိုးတို့၏ မကောင်းသောအကျင့်တစ်ခုကား ပွဲတစ်ခုခုရှိလျှင် အပျော်အပါးများ ပါတတ်ကြ၏။ ထိုအပျော်အပါး၏နောက်တွင် အသောက်အစားကလည်း ထပ်ချပ်မကွာ ကပ်လျက်ပါလာတတ်မြဲ ဖြစ်၏။ ထိုအသောက်အစားများကြောင့်ပင် ပျော်ရပါးရသည်ထက် ခိုက်ရန်ဖြစ်မှုများနှင့်သာ ရင်ဆိုင် ကြုံတွေ့နေရသည်က များလှပေသည်။

မြန်မာတို့ကား ခရစ်ပွဲရှိလျှင်လည်း အော်လိုက်ကြ၏။ အစ်ပွဲရှိလျှင်လည်း တက်လိုက်ကြ၏။ တရုတ်တွေ နှစ်သစ်ကူးလျှင်လည်း မြူးလိုက်ပြန်၏။ ကြာလာတော့ ကျုပ်တို့မြန်မာများမှာ အပျော်အပါးများနှင့်သာ အချိန်ကုန်၍ နိုင်ငံရေး၊ စီးပွားရေး၊ ပညာရေးစသော အရေးပေါင်းများစွာတို့တွင် လုံးပါးပါးလာခဲ့ရပေပြီ။

ခရစ်နှစ်ကူးပြောင်းသော ခရစ်ယာန်တို့၏ နှစ်သစ်ကူးပွဲတော်ကို ကမ္ဘာပေါ်ရှိ နိုင်ငံအတော်များများ၌ ကျင်းပကြ၏။ ခရစ်ဘာသာ ကိုးကွယ်သော နိုင်ငံများတွင်သာမက အခြားဘာသာများဖြစ်သော ဗုဒ္ဓဘာသာ၊ ဟိန္ဒူဘာသာ၊ မူဆလင်ဘာသာ ကိုးကွယ်သော နိုင်ငံများတွင်ပါ ပြုလုပ်လာနေကြပြီ ဖြစ်သည်။

ထို့ကြောင့် ခေတ်ရေစီးကြောင်းထဲမှာ လိုက်ပါစီးမျောနေကြသော ခေတ်လူငယ်များအနေဖြင့် ခေတ်ကိုလည်း မျက်ခြေမပြတ်စေဘဲ မိမိတို့၏ လုပ်ငန်းတာဝန်များကိုလည်း မလစ်ဟင်းကြစေဘဲ ရေစီးကြောင်းထဲမှာ ဆက်လက်စီးမျောကြလျှင်ဖြင့် မိမိအတွက်လည်း အကျိုးရှိ၊ တခြားသူများအတွက်လည်း အကျိုးရှိမည် ဖြစ်ပါကြောင်း။

အရှင်ဝိမလ (ပေါက်ခေါင်း)