သစ်ပင်မှန်သမျှ
အာကာသ ကောင်းကင်ထက်
လုတက်ကြတာချည်းပဲ။
မြေအောက်ငုံ့လျှိုး
အ၀ီစိအိုးဆီ ထိုးဆင်းဖို့
အလျဉ်းမကြိုးစား
သစ်ပင်၏ နိယာမတရားလည်းမဟုတ်။
သို့သော်
စိတ်ဓာတ်သိမ်ဖျင်း
အရည်အချင်းသုည
အာကာသမှန်း အ၀ီစိမှန်းမသိ
နတ္ထိလူသား တချို့ဟာ
မြေကြီးထဲသို့ဆင်းဖို့ ကြိုးစားကြတယ်။
သစ်ပင်လောက်မှ
ဘ၀အပင် မပေါက်တတ်တဲ့လူစား
မျက်ဝါးထင်ထင် တွေ့မြင်တတ်သေးရဲ့
ကလေးကအစ သိကြသည်။
တင်မိုး
No comments:
Post a Comment