ခေတ်ကာလတွေအလီလီပြောင်းလဲသွားသော်လည်းသီဟိုဠ်ပြည်မှာမပြောင်းလဲဘဲကျန်ရှိနေတာကတော့ဒီရေတွင်းလေးတွေပါပဲ။ဒီရေတွင်းမျိုးတွေကိုသီဟိုဠ်ပြည်ရဲ့နေရာအနှံ့အပြားမှာတွေ့ရတတ်တယ်။
မြေနေရာအနေအထားကရေပတ်လည်ဝိုင်းနေတဲ့ကျွန်းဖြစ်တာနဲ့အညီရေတွင်းတွေကအနက်ကြီးတူးစရာမလိုဘူး။တွင်းဖြစ်လောက်အောင်တူးထားလိုက်ရင်ကိုရေတွေကအလိုလိုထွက်နေတတ်တယ်။တစ်ခါတရံတွင်းအပြည့်ရေတွေလျှံထွက်နေတတ်သေးတယ်။
တိမ်တိမ်လေးနဲ့ထွက်တယ်ဆိုပေမယ့်ရေတွေကညစ်ပတ်မနေဘဲကြည်လင်ပြီးသန့်ရှင်းနေတယ်။အရမ်းလည်းမအေးသလိုအရမ်းလည်းပူမနေဘူး။မပူမအေးနဲ့အရမ်းချိုးလို့ကောင်းတယ်။
ခေတ်ကာလအလိုက်ရေပန်းတွေနဲ့ရေချိုးရတာကောင်းပေမယ့်ဒီလိုရေတွင်းမျိုးမှာရေချိုးရတာကိုပိုပြီးနှစ်သက်မိတယ်။စိတ်လွတ်လပ်မှုပိုရပြီးခန္ဓာကိုယ်ကိုပေါ့ပါးလန်းဆန်းစေတယ်။
ရေအတွက်မီတာခတွေဈေးကြီးနေတဲ့အချိန်မှာဘာမီတာခမှပေးစရာမလိုတော့အကုန်အကျသက်သာစေတယ်။
မည်သို့ပင်ဆိုစေကာမူရေတစ်ခါချိုးရင်အကြာကြီးချိုးတတ်တဲ့ကျုပ်တို့အတွက်တော့သီဟိုဠ်ပြည်ကရေတွင်းလေးကိုနှစ်သက်နေမိတော့သည်။
ကိုပေါက်ခေါင်း
No comments:
Post a Comment