တောင်လည်ရွာမှ စစ်ဗိုလ်တစ်ယောက်

ဗိုလ်ကောင်းခန့်ဇော်ကို ပဲခူးရိုးမတောင်ခြေက 

တောင်လည်ရွာမှာ မွေးဖွားခဲ့တယ်။

အဖေက ဦးဝင်းဇော်အောင်

အမေက ဒေါ်မြင့်မြင့်ကြူ

မွေးချင်းညီအစ်ကိုနှစ်ယောက်မှာ

အဦးဆုံးသားဖြစ်တယ်။

မိသားစုထဲမှာ အကြီးဆုံးသားဖြစ်လို့

ဖိုးသားကြီးလို့ ရွာသားတွေက

ခေါ်ခဲ့ကြတယ်။

အေးအေးဆေးဆေး

တည်တည်ငြိမ်ငြိမ်နေတတ်တာက

ငယ်ငယ်ကတည်းက ပါလာခဲ့တဲ့

သူ့ရဲ့ပင်ကိုယ်စရိုက်တစ်ခုပဲ။

ခြောက်ပေခွဲလောက်အထိ ရှည်ထွက်နေတဲ့

သူ့အရပ်က သူများနဲ့မတူတဲ့

ထူးခြားချက်တစ်ခုပေါ့။

တောင်လည်ရွာကနေ ဆယ်တန်းအောင်ပြီး

ဗိုလ်သင်တန်းတက်ခွင့်ရခဲ့တယ်။

၂၀၁၈ ခုနှစ်မှာတော့

ကိုယ်ပိုင်နံပါတ် ကြည်​း ရ၃၅၂၁ နဲ့ 

ဗိုလ်လောင်းသင်တန်းဆင်းနိုင်ခဲ့တယ်။

ငယ်ငယ်က တို့သိခဲ့တဲ့ ဖိုးသားကြီးက 

အခုတော့

ဗိုလ်ကောင်းခန့်ဇော် ဖြစ်နေပြီ။

တို့ရွာမှာ ဘယ်တုန်းကမှ မရှိခဲ့ဖူးတဲ့

စစ်ဗိုလ်တစ်ယောက်

အခုတော့ ရှိလာခဲ့ပြီ။

စစ်သားတွေကို မကောင်းမြင်တဲ့ခေတ်မှာ

စစ်ဗိုလ်ဖြစ်လာပေမယ့်

တို့ရွာသားတွေအားလုံးက

မင်းအတွက် ဂုဏ်ယူလျှက်ပါပဲ။

အမိမြေရဲ့တာဝန်ကို

ကျေပွန်စွာ ထမ်းဆောင်နိုင်ပါစေ။

အရှင်ဝိမလ (ပေါက်ခေါင်း)